काठमाडौं, असार १० । रसियामा जारी २१ औं संस्करणको विश्वकप फुटबल अन्तर्गत आज ११औं दिन पनि तीन खेल हुँदै छन् । आजको पहिलो खेलमा अहिले इंग्ल्याण्ड र पानामा भिडिरहेका छन् । इंग्ल्याण्ड पहिलोपटक विश्वकप खेलिरहेको पानामालाई हराउँदै प्री क्वाटरफाइनलमा आफ्नो स्थान बनाउनेलक्ष्यका साथ मैदान उत्रने छ । इंग्ल्याण्डले आफ्नो पहिलो खेलमा ट्युनीशियालाई २–० ले पपराजित गरेको थियो । इंग्ल्याण्डका लागि दुवै गोल कप्तान ह्यारी केनले गरेका थिए । उनीहरुको खेल निज्नी नोभ्गोरोड रङशालामा हुने छ । पानामा र इंग्ल्याण्डबीचको खेलनेपाली समय अनुसार पौने ६ बजे शुरु भएको हो । यता बेल्जियमसँग हारेको पानामालाई भने कुनैपनि हालतमा पनि प्री क्वाटरफाइनलमा पुग्नका लागि इग्ल्याण्डलाई हराउनै पर्ने दबाब छ ।

बागलुङ । भौतिक पूर्वाधार र सामग्रीको अभावमा यहाँका खेल प्रशिक्षक कामविहीन बनेका छन् । सरकारी तलब खाने प्रशिक्षक वर्षौंदेखि फुर्सदिला देखिन्छन् । जिल्ला खेलकूद विकास समितिअन्तर्गत एक प्रशिक्षक र छ सहायक प्रशिक्षक गरी सात खेलका प्रशिक्षक छन् जसमा भारत्तोलन, ह्याण्डबल र जिम्न्यास्टिकको प्रशिक्षण अहिले बन्द छ । पूर्वाधारको कमीले प्रशिक्षण चलाउन नसकिएको जिल्ला खेलकूद विकास समितिले जनाएको छ । समितिको नाममा रहेको एउटा मात्र ‘टेबुल टेनिस कर्भड हल’ पनि अहिले निर्माणको चरणमा छ । जीर्ण कर्भड हल भत्काएर नयाँ बनाउन थालेपछि टेबुल टेनिसको प्रशिक्षण पनि चल्न सकेको छैन । व्यवस्थित कर्भड हल र खेल मैदान नहुँदा खेलकुद अस्तव्यस्त बनेको समितिका अध्यक्ष धनबहादुर परियारले बताउनुभयो । मार्शल आर्टतर्फ तेक्वान्दो, कराँते र उसुको भने नियमित प्रशिक्षण चलिरहेको उहाँको भनाइ छ । जिल्लामा सबैभन्दा बढी मार्शल आर्टकै खेलाडी उत्पादन हुँदै आएका छन् । अन्य खेलमा भने नयाँ खेलाडी उत्पादन ठप्प छ । कुनै खेलका प्रशिक्षक छन् तर खेलाडी छैनन् । कुनैमा खेलाडी भएपनि प्रशिक्षक छैनन् । सबैभन्दा सम्भावना भएको भलिबल, क्रिकेट, सुटिङ, एथलेटिक्स लगायतका खेलमा प्रशिक्षकै छैनन् जब कि जिल्लामा खेल्दै नखेलिने जिम्न्यास्टिक, ह्याण्डबल र भारत्तोलनका प्रशिक्षक छन् । खेल मैदान नहुँदा ह्याण्डबल खेलाउन नसकिएको सहायक प्रशिक्षक भीमसेन शाक्यले बताउनुभयो । ‘ह्याण्डबलको लागि निश्चित मापदण्डको मैदान चाहिन्छ,’ उहाँले भन्नुभयो, ‘मैदान व्यवस्थापनका लागि प्रयास भइरहेको छ ।’ बागलुङ नगरपालिका–१ को बाङ्गेचौर फुटबल मैदान व्यस्त हुने हुँदा ह्याण्डबल खेलाउन सम्भव नभएको उहाँको भनाइ छ । सहायक प्रशिक्षक शाक्यले समितिमा कार्यालय सचिवको समेत जिम्मेवारी सम्हाल्नुभएकाले ह्याण्डबललाई पर्याप्त समय दिन सक्नुभएको छैन । जिम्न्यास्टिक खेलको प्रशिक्षण त वर्षौंदेखि बन्द छ । उक्त खेलका लागि चाहिने ‘म्याट’ थोत्रिएपछि प्रशिक्षण चलाउन नसकिएको समितिका अध्यक्ष परियारले बताउनुभयो । ‘पहिले राखेपले दिएको म्याट जीर्ण भएर खेल्न नमिल्ने भएको छ,’ उहाँले भन्नुभयो । भारत्तोलनका सामग्री पनि जीर्ण भएर काम नलाग्ने अवस्थामा पुगेका छन् । ‘सामग्री थपथाप गरेर भारत्तोलन शुरु गर्ने तयारी छ, प्रशिक्षक पनि लाग्नुभएको छ,’ उहाँले भन्नुभयो । खेल सामग्री मात्र नभएर खेल खेलाउने ठाउँको समेत उत्तिकै अभाव रहेको उहाँको भनाइ छ । भाडा तिरेर प्रशिक्षण चलाउन सक्ने अवस्था नरहेको समितिले जनाएको छ । खेलकूदमा आउने न्यून बजेटले पूर्वाधार विकासका काम यथोचित रुपमा अघि बढ्न सकेका छैनन् । बहुउद्देश्यीय कर्भड हल बनेमा मात्र खेल प्रशिक्षण नियमित चलाउन सकिने प्रशिक्षकहरु बताउँछन् । जिल्लामा भारत्तोलनको प्रशिक्षकमा विकासकुमार शाक्य, ह्याण्डबलमा भीमसेन शाक्य, टेबुल टेनिसमा सुख शाक्य, उसुमा दिलबहादुर किसान, तेक्वान्दोमा परशुनारायण बोहोरा, जिम्न्यास्टिकमा राजेश बाँस्कोटा र कराँतेमा धनदास महर्जन रहनुभएको छ । शाक्य प्रशिक्षक र बाँकी सहायक प्रशिक्षकको रुपमा कार्यरत हुनुहुन्छ । पूर्वाधारसँगै समितिमा कर्मचारीको समेत अभाव छ । समितिमा रहेको नायब सुब्बा र सहायक लेखापालको दरबन्दी अहिले रिक्त छ । रासस

काठमाडौ‌ं, असार ८ । रसियामा जारी विश्वकपका आफ्ना दुई खेलमा पोर्चुगलका क्रिस्टियानो रोनाल्डोले चार गोल गरिसकेका छन् । गोलको यो गति हेर्दा प्रश्न उठ्न सुरु भएको छ, के यी रियल म्याड्रिड विन्गरले फ्रान्सका जस्ट फोन्टेनको नाममा रहेको एक विश्वकप संस्करणमा सर्वाधिक गोलको कीर्तिमान भंग गर्नेछन् त ? फ्रान्सका फोन्टेनले सन् १९५८ को विश्वकपमा १३ गोल गरेका थिए । विश्वकप इतिहासमा यसलाई कहिल्यै भंग नहुने कीर्तिमान मानिएको छ, किनभने आधुनिक फुटबलमा एकै खेलमा धेरै गोल हुन छाडेका छन् । कम्तीमा अहिले रोनाल्डोले त्यसको झिनो आस नै सही, त्यो सम्भावनालाई जगाएका भने छन् । -एजेन्सी

मस्को । रुसमा जारी विश्वकप फुटबलमा विभिन्न रोचक घटना सुनिन थालेका छन् । यसै रोचक घटनामध्ये एक हो खेलाडीसँग रेफ्रीले जर्सी मागेको । रेफ्रीले जर्सी माग्नुको मुख्य कारण खेलाडीसँग प्रभावित भएर हो । त्यो पनि खेल मैदान मै ।अझ रोचक कुरा त केछ भने हाफ टाइममा नै रेफ्रीले जर्सी मागेका हुन् । ती हुन् अमेरिकी रेफ्री मार्क गाइगर । उनले क्रिष्टियानो रोनाल्डोसँग प्रभावित भएर उनको जर्सी मागेका समाचार आएका छन् । तर, विश्व फुटबलको प्रशासकीय निकाय फिफाले भने रेफ्रीले रोनाल्डोसँग जर्सी नमागेको र यो आरोप पूर्णरुपले झुठ रहेको बताएको छ । मोरक्कोका नोर्डिन अमराबातले रेफ्रीले हाफ टाइममा रोनाल्डोसँग जर्सी मागेको बताएका थिए । तर फिफाले भने त्यसको आलोचना गरेको हो । रेफ्रीले पूर्ण रुपले व्यवसायिक भएर काम गरेको फिफाको भनाई छ । तर वाट्फोर्डका विंगर अमराबातले भने पोर्चुगलका पेपेले यो कुरा आफूलाई सुनाएको बताएका छन् । उनले डच टेलिभिजनसँग यस्तो बताएका हुन् । रोनाल्डोबाट रेफ्री निकै प्रभावित भएको उनको भनाई छ । बुधबार बेलुका पोर्चुगलले मोरक्कोसँग खेलिरहेको थियो । यो खेलमा रेफ्री गाइगर थिए। -एजेन्सी

काठमाडौं, असार ५ । रसियामा जारी २१ औं संस्करणको विश्वकप फुटबलमा मंगलबार पनि तनिवटा खेल हुँदैछन् । आजको पहिलो खेलमा समूह एचमा रहेका जापान र कोलम्बिया साँझ ५ः४५ बजे भिड्दैछन् । जापान ४ पटकको एसियन च्याम्पियन हाे भने कोलम्बिया सन २०१४ मा विश्वकपमा क्वाटरफाइनलसम्म पुगेको टोली हो । २०१४ को विश्वकपमा गोल्डेन बुट जितेका जेम्स रोड्रिगेज यो पटक पनि फर्ममा छन् । कोलम्बियालाई अघि बढाउन राडामाल फल्काओको भूमिका पनि निकै महत्वपूर्ण हुनेछ । यी दुवै टिम समूह एच मा रहेका छन् । यसैगरी, समूह एच कै अर्को खेल राति ८ः४५ बजे पोल्यान्ड र सेनेगल आमनेसामने हुनेछन् । सेनेगलका फरवर्ड साडियो माने र पाल्यान्डका रोबर्ट लेवान्डोस्कीको खेल हेर्न लायक हुनेछ । मानेले सेनेगलका लागि ४९ खेलमा १४ गोल गरेका छन् भने लेवान्डोस्कीले पोल्यान्डका लागि खेलेको ९५ खेलमा ५५ गोल गरेका छन् । मंगलबारको अन्तिम खेलमा राति ११ः४५ बजे आयोजक रसिया र अफ्रिकन च्याम्पियन इजिप्टको खेल हुँदैछ । समूह चरणको पहिलो खेलमा रसियाले साउदी अरबलाई ५–० गोल अन्तरले हराएको थियो । इजिप्ट भने पहिलो खेलमा उरुग्वेसँग १–० गोलले हारेको थियो । आजको खेलमा इजिप्टलाई अलि दबाब रहेको छ । पहिलो खेल हारिसकेको हुनाले अर्को चरण पुग्ने आश जगाउन पनि आजको खेल जित्तुपर्ने दबाब इजिप्टसँग छ । पहिलो खेल गुमाएका इजिप्टका स्टार खेलाडी मोहमद सलाह मंगलबार भने मैदानमा उत्रने सम्भावना छ । यता, रसियाले आजको खेल जितेमा अन्तिम १६ मा पुग्ने सम्भावना झन बलियो बन्नेछ ।

काठमाडौं, असार ४। गृहमन्त्री रामबहादुर थापाले मापदण्ड नपुगेका क्रसर उद्योगहरुको विवरण माग गरेका छन् । सोमबार गृह मन्त्रालयमा गृहमन्त्री थापा र उद्योग वाणिज्य तथा आपूर्ति मन्त्री मातृकाप्रसाद यादव सहितको बैठकले जिल्ला प्रशासनसँग क्रसरको विवरण पाँच दिनभित्र माग गर्ने निर्णय गरेको गृह मन्त्रीको सचिवालयले जनाएको छ । खानी विभाग, घरेलु तथा साना उद्योग कार्यालय, तत्कालिन जिल्ला विकास समिति, स्थानीय तहहरुले अनुमति दिए अनुसार मापदण्ड पुगेको वा नपुगेको सम्बन्धमा जिल्ला प्रशासन कार्यालयसँग पाँच दिनभित्र विवरण माग गरेका हुन् । सो बैठकले किसानको उखुको मूल्य नदिने चिनी उद्योगकलाई पनि कारबाही गर्ने तयारी गरेको छ । सुनसरी, सिरहा, सर्लाही, बारा, पर्सा, नवलपरासीलगायतका जिल्लामा उखुको रकम भुक्तानी नगर्ने उद्योगलाई प्रमुख जिल्ला अधिकारीले बोलाइ छलफल गरी तत्काल रकम भुक्तानी गर्ने व्यवस्था मिलाउने निर्णय गरेको हो । उद्योगीहरुले तत्काल कृषकको रकम दिन नमानेमा कानुन कमोजिम कारवाही गर्नेबारेमा सात दिनभित्र गृह मन्त्रालयमा सिफारिस गर्न प्रमुख जिल्ला अधिकारीहरुलाई निर्देशन दिइएको गृहमन्त्रीको सचिवालयले जनाएको छ ।

रसियामा जारी विश्वकप फूटबलको तेस्रो दिनको पहिलो खेलमा अहिले फ्रान्स र अष्ट्रेलिया भिडिरहेका छन् । पहिलो हाफमा गोलरहित खेलका उनीहरुले दोस्रो हाफको ५८ मिनेटमा पेनाल्टीमार्फत फ्रान्सका लागि एनटोनी ग्रिजम्यानले पहिलो गोल गर्दै टोली १–० अग्रता दिलाए । त्यसका ४ मिनेटपछि अष्ट्रेलियाका लागि मिले जेदिनकले पेनाल्टीमार्फतै गोल गर्दै टोलीलाई बराबरी गरे । खेलको ८० औं मिनेटमा फ्रान्सका लागि पाउलो पोग्बाले दोस्रो गोल गर्दै टोलीलाई २–१ को अग्रता दिलाए ।

संखुवासभा, असार २ । अरुण तेस्रो जलविद्युत् आयोजनाको सुरुङ खन्ने क्रममा संखुवासभाको मकालु गाउँपालिकाको फ्याक्सिन्दामा चार जना कामदार बेपत्ता भएका छन् । नुमको फ्याक्सिन्दामा निर्माणाधीन अरुण तेस्रोको सुरुङ खन्ने क्रममा शुक्रबार राति पौने ९ बजे ढिस्कोे झरेको थियो । ढिस्कोेले पुरिएर दुई जना नेपाली र दुई जना भारतीय कामदार बेपत्ता भएको र उनीहरुको खोजी कार्य तथा उद्धार गर्ने प्रयास तीव्ररुपमा भइरहेको प्रहरी नायब उपरीक्षक श्यामकुमार सारुमगरले बताउनुभयो । ढिस्कोले पुरिएर कालीकोट सिउना गाउँपालिका–४ का प्रदीप शाही, जुम्ला चन्द्रनाथ नगरपालिका–१ का प्रेम परियार तथा भारत झारखण्डका बुधन मुण्डा र भारत विहारका नन्द किशोर बेपत्ता भएका हुन् । शाही र परियार कामदार थिए भने मुण्डा अपरेटर र नन्द किशोर विद्युत् मिस्त्री थिए । घटनास्थलमा उद्धारका लागि प्रहरी, सशस्त्र प्रहरी र स्थानीय खटिएका छन् । झरी परिरहेकाले उद्धारमा कढिनाइ भइरहेको प्रहरी नायब उपरीक्षक सारुमगरले बताउनुभयो । ढिस्को हटाउन स्काभेटर र डोजर घटनास्थलमा लगिसकिएको छ ।  रासस

फुटबलकै महाकुम्भ हिजो मात्रै रसियामा सुरु भएको छ । अहिले सबै फुटबलप्रेमीको ध्यान रसियामा छ । हरेक खेलको नायँ जानकारी लिन पाठक निकै उत्सुक छन् । खेलाडीको पृष्ठभूमि, सम्पत्ति, योगदान तथा वर्तमान अवस्था इत्यादि विषयमा जान्ने रुचि खेलप्रेमीलाई हुन्छ । बिहिबारदेखि सुरु भएको विश्वकमा फुटबलका स्टारदेखि नयाँ खेलाडी छन् । यो पटकको विश्वकमा ३२ राष्ट्र सहभागि छन् । ती राष्ट्रबाट विश्वकपमा ७ सय ३६ खेलाडी सहभागी छन् । यी सयौं खेलाडीमध्ये यो पटकको विश्वकपमा केही यस्ता छन्, जो विश्वचर्चित मात्र नभएर त्यत्तिकै धनी पनि छन् । यसैविच अमेरिकन चर्चित पत्रिका फोर्ब्सले विश्वकपमा सहभागीमध्ये धनी खेलाडीको नाम सार्वजनिक गरेको छ । फोर्ब्सले सर्वाजनिक गरेको सूचिमा अर्जेन्टिनाका लियोनल मेसी सबैभन्दा धनी देखिएका छन् । त्यसपश्चात पोर्चुगलका क्रिस्टियानो रोनाल्डो स्थानमा छन् । यस्तै, ब्राजिलका नेइमार तेस्रो धनी खेलाडीमा देखिएका छन् । यी तीनजना समग्रमा विश्वकै धनी खेलाडीको शीर्ष दशभित्र समावेश छन् । खेलाडीहरूको मुख्य आम्दानी नै क्लबबाट पाउने वार्षिक पारिश्रमिक हो । यसैगरी, उनीहरूले विभिन्न कम्पनीसँग सहकार्य गर्दै आम्दानी गर्ने गर्छन् । फोर्सले सहभागी सबै ३२ राष्ट्रका खेलाडीको समग्रमा वार्षिक आम्दानी ४ सय मिलियन पाउन्ड रहेको जनाएको छ । उसले केवल विज्ञापन र वार्षिक आम्दानीको मात्र विश्लेषण गरी खेलाडी छनोट गरिएको जनाएको छ । फोर्सले राष्ट्रिय टिमबाट दिइने पारिश्रमिक जोडेको छैन । १- लियोनल मेसी (अर्जेन्टिना) पाँचपटकका फिफा वर्ष खेलाडी लियोनल मेसीको कुल सम्पत्ति ११ करोड १० लाख डलर रहेको छ । आधुनिक फुटबलकै सर्वोकृष्ट खेलाडी मेसी बार्सिलोना र अर्जेन्टिनाका प्लेमेकर हुन् । बार्सिलोनाको आत्मा भनिने मेसीले क्लबबाट प्रतिवर्ष २ करोड ७० लाख डलर पारिश्रमिकका रूपमा लिने गर्छन् । एडिडास, मास्टर कार्ड तथा पेप्सीको विज्ञापन गरेबापत उनले २ करोड ७० लाख डलर थप आर्जन गर्छन् । २- क्रिस्टियानो रोनाल्डो (पोर्चुगल) सन् २००९ मा म्यानचेस्टर युनाइटेडबाट स्पेनिस क्लब रियल म्याड्रिडमा आबद्ध भएयता पोर्चुगाली स्टार क्रिस्टियानो रोनाल्डोको चर्चा चुलिएको हो । म्याड्रिडका अध्यक्ष परेजले रोनाल्डोविनाको क्लब पूरा नहुने बताउने गर्छन् । रोनाल्डो रसिया विश्वकपकै दोस्रो धनी फुटबलरमा गनिन्छन् । उनको वार्षिक कमाइ १० करोड ८० लाख डलर रहेको छ । रोनाल्डोले रियलबाट प्रतिसता ३ लाख ६५ हजार डलर थाप्छन् । ३- नेइमार (ब्राजिल) २६ वर्षीय ब्राजिलियन नेमार जुनियर व्यावसायिक फुटबलमा भाग्य चम्काउन युरोपतिर हानिएका फुटबलर हुन् । ब्राजिलको सान्तोषमा आफ्नो करिअर नदेख्दा उनले रियल म्याड्रिडको आकर्षक प्रस्तावसमेत स्विकारेनन् । सानैदेखि मेसीलाई आदर्श मानेका नेमार बार्सिलोनासँग सामान्य मूल्यमै अनुबन्ध भए । बार्सिलोनामा तीन सिजन बिताउँदा उनी विश्वकै एक स्टार खेलाडी बनिसकेका थिए । महत्वाकांक्षी सपना देख्ने नेमार पुनः आफ्नो स्टारडमलाई एक उचाइ दिन फ्रेन्च क्लब पिएसजीमा विश्वकीर्तिमान रकम १९ करोड ८० लाख पाउन्डमा अनुबन्धित हुन पुगे । जीवनमा परिवर्तन खोजिरहने नेमार अहिले विश्कपकै तेस्रो धनी फुटबलमा पर्छन् । ब्राजिलियन कप्तान नेमारले ७ करोड ३० लाख डलर पारिश्रमिकबाट कमाएका छन् । उनले १ करोड ७० लाख पाउन्ड विज्ञापनबाट आर्जन गरे । ४-पाउल पाउग्बा (फ्रान्स) पाउग्बा रसिया विश्वकपकै महँगा खेलाडीमा पर्छन् । २५ वर्षीय उनको वार्षिक आम्दानी २ करोड ९५ लाख पाउन्ड रहेको छ । युनाइटेडका महँगा खेलाडी पोग्बाले प्रतिसाता २ लाख ९० लाख पाउन्ड कमाउन्छन् । ५- ओस्कार (ब्राजिल) ब्राजिलियन मिडफिल्डर ओस्कार अहिले चीनको संघाई क्लबमा आबद्ध छन् । चेल्सीबाट संघाईमा अनुबन्धित हुँदा उनको सम्झौता रकम ६ करोड पाउन्ड रहेको थियो । चेल्सीमा साढे चार वर्ष बिताएपछि ओस्कारले एकाएक संघाईको राम्रो प्रस्ताव स्विकार्दै सबैलाई स्तब्ध पारे । राष्ट्रिय टोलीबाट अहिलेसम्म उनले १२ गोल गरेका छन् । उनले संघाईबाट प्रतिसाता ४ लाख पाउन्ड आर्जन गर्छन् । -एजेन्सी

काठमाडौँ । विनियोजन विधेयक, २०७५ को विभिन्न शीर्षकमाथिको छलफलमा छ जना सांसदले खर्च कटौतीको प्रस्ताव प्रस्तुत गर्नुभएको छ । प्रतिनिधिसभाको आजको बैठकमा कार्यक्रमभन्दा बढी रकम विनियोजन भएको भन्दै उहाँहरुले खर्च कटौतीको प्रस्ताव प्रस्तुत गर्नुभएको हो । पर्यटन मन्त्रालयको खर्च कटौती गर्नुपर्ने बताउँदै सांसद डा मीनेन्द्र रिजालले आगामी आवमा २० लाख पर्यटन भित्र्याउन पूर्वाधार विकास गर्नुपर्नेमा जोड दिनुभयो । उहाँले निर्माणाधीन विमानस्थलको समयावधि र खर्च विनियोजनको तादाम्यता नमिलेको भन्दै खर्च कटौतीको प्रस्ताव गरेको बताउनुभयो । सांसद प्रेम सुवालले संस्कृति, पर्यटन तथा नागरिक उड्डयन मन्त्रालय, युवा तथा खेलकूद मन्त्रालय र अर्थमन्त्रालय शीर्षकको खर्च रकमलाई घटाउन प्रस्ताव गर्नुभयो । उहाँले विश्व सम्पदासूचीमा सूचीकृत सांस्कृतिक सम्पदाको संरक्षणमा ध्यान नदिएको भन्दै खर्च कटौती गर्नुपर्ने प्रस्ताव पेश गरेको स्पष्ट पार्नुभयो । युवा तथा खेदकूद मन्त्रालयको खर्च कटौतीको प्रस्ताव प्रस्तुत गर्दै सांसद प्रमिला राईले अनावश्यक रकम घटाउनुपर्ने बताउनुभयो भने अर्का सांसद प्रकाश रसाइलीले अर्थमन्त्रालय शीर्षकको खर्च रकम घटाउनुपर्ने प्रस्ताव प्रस्तुत गर्नुभयो । त्यसैगरी सांसद दुर्गा पौडेलले संस्कृति, पर्यटन तथा नागरिक उड्डयन मन्त्रालयको खर्च रकममा ग्रामीण पर्यटनको विकासमा ध्यान नदिएको भन्दै उक्त मन्त्रालयको विनियोजित बजेट घटाउनुपर्नेमा जोड दिनुभयो । रासस

चितवन, जेठ २९ । भरतपुर महानगरपालिकाले नेपाल कम्युनिष्ट पार्टी (नेकपा) का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ को उपस्थितिमा विकासका लागि गुरुयोजना निर्माण गर्न एक दिने कार्यशाला गोष्ठी गरेको छ । भरतपुर महानगरपालिकाले मंगलबार ‘समृद्ध भरतपुर महानगरको एकीकृत विकास गुरुयोजना निर्माणका लागि अवसर, चुनौति र भावी कार्यदिशा विषयक एकदिवसीय कार्यशाला गोष्ठी’ को आयोजना गरेको हो । प्रमुख अथिति नेकपाका अध्यक्ष प्रचण्डले कार्यक्रमलाई सम्बोधन गर्दै भने, ‘देशले स्थिर र इतिहासकै शक्तिशाली सरकार पाएकाले अब विकास र सम्बृद्धिलाई कसैले रोक्न सक्दैन ।’ कार्यक्रमको शुरुवात गर्दै महानगर प्रमुख रेणु दाहालले टालटाले कार्यक्रम वा विकासे कामले देश र जनताले अपेक्षा गरेको विकास र समृद्धि हासिल नहुने बताउदै दीर्धकालीन योजना बनाउन लागेका बताइन । कार्याशालामा जिल्लाका सांसद, राजनीतिक दलका प्रतिनिधि, सरकारी कार्यालयका उच्चअधिकारी, व्यापारी, शिक्षा क्षेत्रका विज्ञ, प्राध्यापक, कानुन व्यावसायी, चिकित्सकलगायतका व्यक्तिहरुको सहभागीता रहेको छ । प्रचण्ड चितवन क्षेत्र नं ३ बाट निर्वाचित प्रतिनिधिसभा सदस्य हुन । भरतपुर महानगर पालिकाका अधिकांश क्षेत्र सो क्षेत्रमा पर्छ ।

भारतमा एकजना इन्जिनियर आफ्नो गाउँको अवस्था सुधार्ने भन्दै खेती किसानीमा लागेका छन् । खेती गर्न थालेका इन्जिनियरले साँच्चै चमत्कार गर्न थालेका छन् । उनले यस्तो तरिका अपनाएका छन् कि एउटै बोटमा ५१ जातका आँप फलेका छन् । भारतको महाराष्ट्रका रवि मारशेटवारको यो उपलब्धि अहिले भारतभर चर्चाको विषय बनिरहेको छ । एउटै बोटमा ५१ जातका आँप फलाउन उनी सफल भए । ग्राफटिङ अर्थात् कलमी प्रविधिको प्रयोग गरी उनले यस्तो सम्भव पारेका हुन् । यसका लागि उनले १३ सयपटक अनुसन्धान गरेका थिए । उनी खेतिपातीको विधि सिक्न ५ सय भन्दा धेरै ठाउँको भ्रमण गरे, जहाँ उनको परिचय एकजना विशेष मान्छेसँग भयो । महाराष्ट्रका किसान देवरीकरसँग उनको भेट भयो । देवरीकरले कलमी प्रविधिको प्रयोग गरी एउटै बोटमा १५ जातका आँप फलाएका थिए । उनैबाट रविले यो प्रविधि सिके । त्यसपछि उनले आँपका विभिन्न जातहरु जम्मा गरे । केही वर्षको मेहेनतपछि उनले एउटै रुखमा ५१ जातका आँप फलाउन सफल भए । उनी अहिले कलमी विधि सम्बन्धमा किसानलाई प्रशिक्षण पनि प्रदान गर्दछन् । -एजेन्सी

चितवन जेठ २० । नारायणगढ–मुग्लिन सडकखण्डअन्तर्गत चार किलो भन्ने स्थानमा आज अपराह्न पहिरो खसेर सडक अवरुद्ध भएको छ । इच्छाकामना गाउँपालिका–६ स्थित चारकिलो भन्ने स्थानमा आज अपराह्न ४ बजेको समयमा पहिरो खसेर सडक अवरुद्ध भएको चितवनका ट्राफिक प्रहरी प्रमुख तथा प्रहरी निरीक्षक सन्तोष पन्तले जानकारी दिनुभयो । सडक निर्माण कार्य हुँदै गर्दा एक्कासि सडकमाथिबाट सुख्खा पहिरो खसेको हो । उक्त स्थानमा तीन स्काभेटरको प्रयोग गरेर पहिरो हटाउने काम जारी छ । शुरुमा पहिरो खस्ने क्रम नरोकिएकाले केही समय पहिरो हटाउने कार्य सञ्चालन गर्न नसकिएपनि अहिले भने पहिरो हटाउने काम जारी रहेको जिल्ला प्रहरी कार्यालय चितवनले जनाएको छ । पहिरोका कारण चितवनबाट काठमाडौँ, पोखरालगायत ठाउँमा जाने र चितवन आउने सवारी अहिलेबीच बाटो मै रोकिएका छन् । बिहान १० बजेदेखि रोकिएका सवारीसमेत जान पाएका छैनन् । यहाँ सडक निर्माण कार्य जारी रहेकाले विहान १० देखि अपराह्न ४ बजेसम्म सवारी रोकिँदै आएको छ ।

मुम्बई । टिभी हिन्दी सिरियल ‘जमाई राजा’ को मुख्य भूमिका निर्वाह गर्न सफल रहेको कलाकार रवि दुवेले २०१३ मा अभिनेत्री सरगुन मेहतासँग विवाह बन्धन बाँधिएका थिए । दुवै एकअर्कासँग अति नै माया गर्दछन् । तर, ५ वर्षपछि पनि यी जोडी आफ्नो परिवारलाई अगाडि बढाउन चाहँदैनन् । हालैमात्र दैनिकभाष्करसँग कुराकानी गर्ने क्रममा रविले यसको बताएका छन् । रवि (३४) का मान्यता यस्तो छ कि अहिले हामी दुवै करियर राम्रो चलिरहेको छ । यसैले गर्दा यति चाँडै फ्यामिली प्लानिङ गर्न चाहँदैनौं । रविले भने– ‘मेरो घरमा एउटा बच्चा छ’ रविले भने– ‘अहिले हामी आफ्नो सन्तान नभएपनि एउटा बाबुआमाको जीवन बाँचरिहेका छौं ।’ विश्वास गर्नुहोस् कि उसलाई हामी आफ्नो सन्तानलाई जस्तै माया र शिक्षादीक्षा दिने छौं । त्यही बच्चाले मेरो जीवनमा बाबुको स्थानलाई पूरा गर्ने छ । फेरि रविले अगाडि हाँस्दै भने– ‘मेरो घरमा एउटा बच्चा छ, डाँग मोयो । त्यसैले एक बाबुको सेन्टिमेन्ट पहिलेदेखि नै त्यहाँ उपस्थित छ ।’ यसपछि रवि केही सिरियस भए र भने– ‘फ्यामिली प्लानिङ अहिले नै हुने छैन ।’ मलाई थाहा छ कि यो हाम्रो करियरको समय राम्रो चलिरहेको छ । त्यसैले अहिले फ्यामिली सुरु गर्ने कुनै विचार छैन । यस कुरामा हामीले कहिले कुनै कुराकानी पनि गरेका छैनौं ।’ दैनिकभाष्करबाट

जेठ १९, जेठ १९ । फिफा विश्वकपको अभ्यास खेलमा अष्ट्रेलियाले सानदार जित निकालेको छ । शुक्रबार राति भएको खेलमा अष्ट्रेलियाले चेक गणतन्त्रलाई ४–० ले हरायो । बलियो रुपमा प्रस्तुत भएको अष्ट्रेलियाको खेलका लागि ३२ औं मिनेटमा म्याथ्यू लिकीले गोल गर्दै अग्रता दिलाएका थिए । पहिलो हाफमा एक गोलको अग्रता लिएको अष्ट्रेलियाले दोस्रो हाफमा ३ गोल गर्‍यो । एन्ड्रयू नाबोटले ५४ औं मिनेटमा गोल गर्दै अष्ट्रेलियाले अग्रता दोब्बर बनायो । सुरुदेखि चेक गणतन्त्रलाई दबाबमा राखेको अष्ट्रेलियाका लागि म्याथ्यू लिकीले व्यक्तिगत दोस्रो तथा टिमका लागि तेस्रो गोल गरे । एकपक्षीय खेलमा चेकका ज्याकुब जुगासले ८० औं मिनेटमा आत्मघाति गोल गरेका थिए । चेक गणतन्त्र यो विश्वकपमा सभागी छैन ।